Team Neemopani
آنسو بہتا ہے کہ تھوڑی سی آزادی چاہیے
دل کہتا ہے کہ تھوڑی سی آزادی چاہیے
غلامی کے سکون کو یوں موڑ دیتی ہے
آزادی کی قیمت انسان کو توڑ دیتی ہے
غلامی انسان ہے،صبر کرنا سکھاتی ہے
آزادی ایسا خطرہ ، یہ مرنا سکھاتی ہے
دل کو غلامی کی بربادی چاہیے
دل کہتا ہے کہ تھوڑی سی آزادی چاہیے
آزادی کا کیا حسن ہے، کیا بیاں کروں
گیت گاؤں میں اس کے، خود کو حیران کروں
آزادی ہو سوچ کی، تو زنگی بنتی ہے
آزادی ہو عورت کی، زندگی مسکراتی ہے
آزادی ہو رونے کی، تو مرد قید نہ ہو
بھری جوانی میں کوئی بال سفید نہ ہو
دنیا میں جنت کی ایسی وادی چاہیے
دل کہتا ہے کہ تھوڑی سی آزادی چاہیے
کوئی صبح ہمیں جگائے گی ہر اک غم سے
ہم اس وطن سے ہیں، یہ وطن ہم سے ہے
وطن کے سب فرد جب اک ساتھ چلیں گے
ہواؤں میں خوشیوں کے ساز بجیں گے
محبت کا رنگ، آمن کی لہر ہو گی
اس رات کے بعد اک ایسی سحر ہو گی
ھنستی کھیلتی اس ملک کی آبادی چاہیے
دل کہتا ہے کہ تھوڑی سی آزادی چاہیے
میرا وطن اداس ہے، کچھ ہو رہا ہے
دل بڑا بے چین ہے، بڑا رو رہا ہے
وطن میں افسوس یہ حالات ہوتے ہیں
اس دھرتی کے کچھ بچے، بھوکے سوتے ہیں
کوئی خودکشی کر جاتا ہے آسانی کے لئے
کوئی سسک کے مرتا ہے صرف پانی کے لئے
خوشگوار زندگی، سیدھی سادھی چاہیے
دل کہتا ہے کہ تھوڑی سی آزادی چاہیے
قسم اب اس طرح سے بجلیاں گرائیں گے
عظمت اپنی ایسی کہ آسمان ہلائیں گے
ترقی ہماری قوم کی لازوال ہو گی
دنیا میں سب سے اچھی یہ مثال ہو گی
خدا کرے کہ یہ پوری ہویہ اک مراد
ذرہ ذرہ چیخے، پاکستان زندہ باد
حوصلہ اے ہم وطنو! فولادی چاہیے
دل کہتا ہے کہ تھوڑی سی آزادی چاہیے
